Kaynanik miércoles punchami shuk tantanakuyman utiyalla rina karkani. Ñami chishi tukurikurka, tutami kallarikurka. Utiyalla chayankapak, shinallatak ashtata tamiyakushkamantami killu antawata hapirkani.
Wasi urapimi hapirkani. Ashtaka antawakunami ñankunapika tiyarka. Allimantami rikurkanchik, ña shuk allpa ukuta rik ñantami yallirkanchik, chayta ña llukshirkanchikmi. Chaypimi tullpuyuk yallichik tiyan, kaymi puku tullpu tukurka.
Antawata purichikwanmi parlakurkani, tullpuyuk yallichik ña waylla tukukpi, yallishunllami yuyaywanmi karkani. Mana chashnachu karka.
Ñukanchik shayakukpika, antawakunaka kinkraymanmi yallikurka. Tullpuyuk yallichikka waylla kashkamantami killu tukurka, shuk uchilla antawaka yallirkallami, shinapash chupaka ñukanchik yallinatami ashata harkarka, shinapimi ña killu tukurinapi, shuk hatun ankas antawaka, uchilla antawa harkakukpipash, chaypa washapi shayarirka.
Shinami tukuy ñukanchik yallina ñanta harkarka. Tullpuyuk yallichikka ñami waylla tukurka, chashna kakpipash harkashka kashkamantami mana yalli usharkanchik.
Kimsa kutin waylla tullpuka tiyarka, shinapash chay hatun antawa ñukanchik yallinata harkakushkamantami mana yalli usharkanchik. Shuyanami karkanchik.
Killu antawata purichikka kikin antawamanta uriyakushpami, chay hatun antawata purichikwan rimankapak rirka. Piña tukushpami, imamanta chashna ruranki, killu tullpuka kakpika, kinku manñapimi shayarina karkanki nirka. Hatun antawata purichika yallinallatami yuyarkani nishpami kutichirka.
Tantanakuymanmi utiyalla chayankapak munarkani. Ña mana paktarinatami rikurkani. Piñami tukurkani. Ñuka rikuk antawamanata purichikmi hatun antawa purichikta rimankapak llukshirka. Imakunatami paykunaka nirirka. Chaykunata uyashpami, kaykunata tapuni. ¡Ushashpaka, kikin kutichi!
Imamantashi antawata purichikkunaka tullpuyuk yallichik killu tukukpika, shayarinapa rantika kallpashpa yallinkapak tukun. Manacha paykuna chashna shayarishpaka, harkanata yuyan. Hatun antawa kashkamantachu imatapash rurana kan.
Ña yachanchikmi, kamachikuna tiyanmi, rikchakta surkuchinapash tiyan, shina kakpipash, imamantashi chay llakikunata rurashpa katin. Hatun antawata purichikpa umapika chashna harkashpa, mana allita rurakushkata yachancha.
Ña chusku kutin waylla tukukpimi yallirkanchik. Mana kipayashkachu chayarkani, shinapash unayashkamantaka ashtaka kullkitami kuna karkani, ima shinapashmi paktachirkani. Shinapash tantanakuy kipaka, chakillami wasimanka tikrarkani. Kayta killka katikuk kashna yapalla kullkita kushkataka pitashi huchachina kani. Yachashpaka willachinki, ama shina kankichu. (O)
------------------------------
Resumen traducido al castellano
Tratando de llegar con puntualidad
El miércoles debí asistir a una reunión. La puntualidad me obligó a tomar un ‘amarillo’, o sea un taxi. Todo iba bien, pronto apareció el vehículo, el profesional del volante, muy amable; pero al pasar el desnivel de 10 de Agosto o Guayaquil (la verdad no sé dónde termina la 10 de Agosto y en qué parte inicia la calle Guayaquil, y esto es en Quito) y Tarqui nos cogió el semáforo en rojo.
Esperamos el paso de los vehículos y cuando el semáforo estaba en amarillo un apurado vehículo pequeño y, de yapa, un bus grandote obstruyeron nuestra circulación. Obvio, apareció rojo para ellos y verde para nosotros, pero no pudimos cruzar, pues el bendito transporte público grande lo impedía. A la cuarta vez que se puso verde el semáforo cruzamos.
Lo interesante es que quien manejaba el taxi fue a reclamar al profesional del volante del bus y escuché que este decía: “es que” pensé que sí iba a alcanzar a cruzar, “es que” el automóvil de adelante me obstruyó, “es que” el semáforo cambió a rojo, “es que” ustedes también tienen que esperar y tener paciencia; “es que” de ganita se pone bravo y me va a hacer enojar...; y así siguió con varios “es que”. Como dirían los jóvenes, frescazo el tipo, ni se mosqueó.
Llegué a tiempo a la reunión, pero el taxímetro marcó una cifra alta, a tal punto que el regreso a casa fue a ‘patazo’. Estimado lector, ¿y a quién habrá de quejarse uno por esta situación? “Es que” no sé. (O)
