Publicidad

Ecuador, 19 de Marzo de 2024
Ecuador Continental: 12:34
Ecuador Insular: 11:34
El Telégrafo
José Maldonado

Columnista invitado

Mushuk llakta pushak

24 de abril de 2017 - 00:00

Ñami mushuk llakta pushakwan kanchik. Ishkay kutinmi akllana karkanchik. Mushuk llakta pushakka ishkanti akllanapimi misharka.

Shinapash ima shina akllana kashkata yuyarishunchik. Kallari akllayka kay wata febrero killa, 19 punchami karka. Llakta pushak tukunkapakka pusak shinami karka.

Kunan mushuk llakta pushak kan, paymi chay kallari akllanataka misharka, shinapash mana mushuk llakta pushakchu tukurka. Akllana kamachipimi kallari akllanapi mishankapakka, mashna yupayta paktachinata nikun, chaytami mana paktachirka, shinapash mishaytaka misharkami, piti pitimantami mana chay akllanapi llakta pushak tukurka.

Paypa washapimi, chay kallari akllanapika, shuk charik, kullki wakaychik wasiyuk karka. Payka ña mishakrikukta rikushpaka umay tiyashkatami nirka. Nitallami nirka. Kunankaman chay kallari akllanapi umay tiyashka nishkataka mana rikuchishkachu.

Llakta pushak tukunkapak kakkunamanta rimashpaka. Shukka kay Kamaypa kallari pushanapi katik pushakmi karka. Payka mana hanpiripa unkuyyukunatami ashtakata yanarka. Shikan ruranakunawanmi mana hanpiripa unkuyyukkunataka maykunapika pakashka shina kawsakushkamanta llukshichirka. Paypashmi mana hanpiripa unkuyyuk kan. Payka mana puri ushanchu, payka shuk runpayuk tiyarinapimi kuyurin.

Chayshukka, ñami ñakalla nirkanchik, payka kullki wakyachik wasiyukmi kan. Paymantaka, kullkisapa kashkata, sarun kamaykunapi kashkata, kullki wakaychik wasikunapa llakipi kullkishkata, shuk kashnakunatami uyarkanchik.

Chashnami, kaypi kawsakkunapash, Ecuadormanta shuk mama llaktakunapi kawsakkunapash kay abril killa, ishkay punchaka kutinllatak akllana karkanchik. Akllanata Rikuk Tantanakuymi 17:00 shina tukukpi akllashkakunata yupashpakata riksichina karka.

Shinapash kullki wakaychik wasiyukka, pay mañashkamanta, shuk llankachik wasipa akllashkawan tapushpa surkuchishka yupaykunata rikushpami, mushuk llakta pushak kashkata nirka, chashnami mushuk llakta pushak shina rimay kallarirka. Shinapash Akllanata Rikuk Tantanakuypa yupaypika payka mana misharkachu.

Chashnami kutinllatak umay tiyashkata nirka, payta katikkunata ñankunaman llukshichun mañarka. Paykunata mana mishachikpi, Quitota rupachinatami nirkapash.

Akllanata Rikuk Tantanakuyka yupayyuk pankakuna pantaywan kashkata kutinllatak yupachun nishkata kutinllatakmi yuparka; shinapash kutinllatak alli kashkata, pantay illak kashkata rikuchirka. Mana mishakkunaka kutin yupanataka, paykuna mañashpapash, mana rikunkapak shamurkachu.

Chashnami ña mushuk llakta pushak tiyan, payka Lenin Morenomi kan.

Kayta killka katikuk, ¿paytachu akllarkanki? Mana kashpaka, ¿kullkisapatachu akllarkanki? (O)

Resumen traducido al castellano

Nuevo Presidente

Fue especial la elección del primer mandatario ecuatoriano. No se pudo elegir en una sola vuelta. Balotaje hubo.

En la primera vuelta, al ganador “pite” le faltó para ya ser el nuevo presidente, en cambio el que quedó en segundo lugar comenzó a hablar de fraude. Pero solo dijeron y ni una demostraron, pura boca nomás fue.   

Hablando de los candidatos, el ganador ya fue vicepresidente, su gran obra fue el trabajo con las personas con discapacidad. Gracias a sus programas se ayudó y se ayuda a aquellos hermanos vulnerables. Del otro candidato lo que se conoce es que es banquero,  de “harrto kushki”, que en gobierno del feriado bancario ha estado, que tiene plata en otros países, decían.

El 2 de abril hubo otra vez elecciones y dos ganadores, el uno con su exit poll se declaró ganador con discurso incluido. Mientras que el otro esperó las cifras oficiales y resultó ser el triunfador.

Nuevamente los perdedores mencionaron fraude, pero de demostrar nada. Hicieron vigilia en cercanías de Consejo Nacional Electoral. Bravos estaban. Pidieron recuento de varias actas, pero no se asomaron al evento que ellos mismos solicitaron.  Y se contó nuevamente y nada cambió: el exvicepresidente mismo ganó. Ahora sí, después de todo esto, Lenín Moreno es el nuevo Presidente del Ecuador

Estimado lector, ¿victorioso o sufridor? (O)

Contenido externo patrocinado

Ecuador TV

En vivo

Pública FM

Noticias relacionadas

Social media