Akllanaka chayarkami, akllanaka yallirkami. Imanallatak pakarirkankichik. Allikachu kankichik. Maykankunaka kushillami kankichik. Shukkunaka piñachari kankichik.
Ari, kayna domingo punchami kay ñukanchik Ecuador mama llaktapika akllana tiyarka. Mushuk llakta pushakta, katik pushaktapash; shinallatak Hatun Tantanakuypi kakkunatapashmi akllana karkanchik.
Pusak llakta pushak tukunkapakmi tiyarka. Paykunaka Ecuador llakta ukupimi maykunaman chayarka. Chaykunapimi hatun tantanakuykunapipash, wasin wasin chayashpapash, makita kushpa, ukllarishpa, muchashpapash pi kashkata riksichirka. Chashnami ñukanchikpash llakta pushak tukunkapak munakkunata riksirkanchik.
Shinallatak chay radio nishkakunapipashmi paykunapa ima nishkakunata uyarkanchik. Chaypimi llakta pushak tukunkapak munakkunaka paykunapa yuyaykunata uyachirka. Chay Tv nishkapipashmi rikurkanchik. Maykankunaka tawka kutin, shukkuna wakinpillami uyarirka, rikurirka.
Paykunapa chashna riksichinaka kaynanik semanami tukurirka, chaymantami shukkunaka tantanakuykunawan paykunapa uyachinataka tukuchirka. Tantanakuykunapika, kallaripika shikan rikunakunami tiyarka, ashtawanka riksishka takikkunami karka. Chay washami Hatun Tantanakuypi kankapak munakkunaka rimarka; chay kipami llakta pushak tukunkapak munakka rimarka.
Tukuy llakta pushak tukunkapak munakkunami paykunapa rimanapika ishkay hatun yuyayta uyachirka.
Shukka kunan Kamay imata rurashkamanta, chay rurashka mana alli kashkamanta, llaki tiyashkamanta rimarka. Shinami unkuyta rikunapi; yachachinapi; wasichinapi; ñankunata, chakakunata ruranapi; michata yakuwan ruranakunapi; wayrawan michata ruranapi; hatun yaku hatarikpi, chay yapalla yakuta kuchayachinata ruranapi; milenio yachana wasikunata ruranapi, beca nishkakunata kunapi; sumak yachana wasiman yaykunkapak mashna yachashkata rikuchinapi; sumak kawsaypa wawa wasikunata ruranapi; UPC, UVC nishkakunata ruranapi; yana wirata chuyayachina wasita allichinapi; shuk ima rurashkakunapipashmi llaki tiyashkata, kullkita shuwashkatami uyachirka.
Kashnakuna mana alli kashkata nishka kipami paykunapa imata ruranata uyachirka. Maykankunaka yallimana Suyuman kuna kullki tiyashkata pishiyachinata; sumak yachana wasiman mana mashna yachashata rikuchishpa yaykunata; michata yanka kunata; milenio yachana wasikunata mana ruranata, chaypa ranti uchilla yachana wasita ruranata; Suyupa wasikunata pishiyachinata; llankanata mirachinata; shuk imakunatapash ruranatami nirka.
Kayta killka katikuk, kashnakunata uyashka kipami, mushuk llakta pushakta akllarkanki, ¿nachu? ¿Imatak tukurkanki? ¿Misharkankichu? (O)
Resumen traducido al castellano
Elecciones
Y llegó y pasó el esperado día de las elecciones. Eso fue ayer. Hubo de todo entre los candidatos para presidente. Sin embargo, creo que pocos llegaron a nuestras comunidades. Así a muchos de ellos los vimos y ‘conocimos’ por la televisión, a otros los escuchamos en la radio y como entre nosotros también ya sabemos espiar lo que hay en las redes sociales, más que todo los guambras, ahí se pudo ver, oír y hasta escribir.
También hubo ‘harrrrto’ aspirante para la Asamblea, como mote. Gente antes nunca vista, hombres y mujeres recorrían las calles principales de las ciudades, se mostraban afectuosos y sonrientes, se acercaban a dar la mano, abrazos y hasta ‘muchas’ a todos con quienes se encontraban. En algunos casos no faltaba el regalito, el recuerdito junto con la recomendación: “votarás por mí”, “buscarás esta foto y ahí rayarás”.
Tanto los aspirantes a presidente, así como para asambleístas -la mayoría- decían que estos últimos años ha sido malísimo, que nada de lo que se ha hecho estaba bien, que se ha botado la plata y -encima- que quedamos endeudados.
Y por supuesto mencionaron lo que van a hacer si llegaban a ser elegidos. Maravillas se oían, pero algunos de ellos o, más bien, sus partidos ya estuvieron en Carondelet, ¿por qué no harían lo que ahora ofrecen? Luego, lo que nos queda ahora es que los ganadores cumplan con lo que prometieron. O dirían por decir nomás.
Estimado lector, ¿y cómo le fue con su escogido? Si ganó, feliz ha de estar. Caso contrario, ya ha de estar buscando el pretexto, el justificativo del fracaso. (O)
