Lunes, 06 Marzo 2017 00:00 Columnistas

Columnista invitado

Yachashkata rikuchinamanta

José Maldonado

Kaynanik punchami shuk chunka iskun watayuk kuytsaka ñukata rikushpami, kanwan parlasha nini, kayta uyay nirka. Ñukaka hatun yachana wasipi yachakunatami shamuk junio killa tukuchikrini, shinaka mashna yachashkatami rikuchinaka kani, chaypimi alli yupayta surkuchinkapak kani nirka.

Ñukaka paytami chashna mashna yachashkata rikuchinamanta imata yuyashkata tapurkani. Puntaka sarun watakuna sumak yachana wasikunaman, ashtawanka Suyupa sumak yachana wasikunaman, hatun yachana wasita tukuchishka kipa yaykunalla kashkata uyashkanimi nirka.

Ñukaka pay chayta munakushkatami yuyarkani. Shinapash payka chay mana alli kashkatami nirka. Chashna nikpika, shimi illak shina, upami tukurkani.
Kay kuytsaka mashna yachashkata rikuchina kashkata, mana kashpaka, imata rikuchishpa shuk yachakunata munashkaman yaykurinka nirka.

Kaytapashmi uyachirka. Uyay, ñukaka hanpik tukunkapakmi munani, shinaka chaytami Sumak yachana wasipika yachakusha nini, shinapash sumak yachana wasika chayta yachakunkapakka kimsa patsaktallami chaskisha nin, shinapash chayta yachakunkapak munakkunaka sukta patsak shinami kanchik. Mashna yachashkata rikuchina mana tiyakpika, ima shinashi akllanka nishpami ñukaman tapurka.

Payllatakmi, hatun yachana wasikunapi yachakushkamanta yupaykunata rikushpa yaykuchina mana alli kashkata nishpa kutichirka. Maykan hatun yachana wasikunapika hawallami alli yupaytakunata surkuchirin, maykankunapillami shinchi kan nirka.

Mana chayllachu kan nishpami, kashna rimashpa katirka. Mana yachashkata rikuchishpaka, sumak yachana wasimanta pushakwan, chaymanta yachachikkunawan riksishka kashkamantachari maykankunaka yaykuk karka, mana kashpaka, yaykunkapak killkarina punchachari may tutamanta chaypi kak karka, mana kashpaka, chaypichari puñuk karka nirka. Kaykunata paypa taytata uyashkatami willarka.   

Kay kuytsaka mashna yachashkatami rikuchina kanchik, chay yupaywanmi ñukanchik munashkata yachakuna kanchik, nirka. Chaywanmi yachana wasikunapa yachachishkata rikuchishun, yachachikkuna ima shina yachachishkatapashmi rikuchishun nirka. Chaypipashmi ñukanchik, yachakukkuna, yachakushkata rikuchishun nirkapash. Mana alli yupayta surkuchishpaka, yachana wasikunapash, yachachikkunapash paykunapa rurana pishi kashkatami rikuchinka nirka. Paykunatami huchachina kanchik nirka.

Kayta killkakatikuk, ¿Kay kuytsaka shikan yuyayyukmi kan, nachu? Payka rikuchina kashkata allimanmi rikun, shinapash kay punchakunaka shuk llakta pushak tukunkapak munakka chayta anchuchisha nikunmi. ¿Imata yuyanki?

---------------

Resumen traducido al castellano

Más sobre las evaluaciones

El otro día una chica de unos 19 años me reconoció y me saludó. Un poco sorprendido correspondí a la cortesía y comenzó una interesante reflexión de parte de ella.

Me dio su parecer sobre los exámenes de ingreso a la universidad. Imaginé que no quería esas evaluaciones y resultó todo lo contrario. Estaba de acuerdo en que haya dichas pruebas.

Se preguntó que si ella deseaba estudiar cualquier carrera, si el cupo disponible para una u otra facultad era de una cantidad determinada y si los aspirantes eran el doble de aquello, cómo se tenía que elegir.

Mencionó haber escuchado a su padre, en años anteriores, decir que el día de las inscripciones se madrugaba, a veces se pernoctaba en la puerta del centro de estudios; se valía de la amistad de alguna autoridad, docente, etc.; que también era un  punto a favor la libreta de calificaciones del colegio con un buen puntaje.

Frente a esto la joven decía que una buena medida para obtener el cupo era un examen. Estaba totalmente de acuerdo con el mismo. Y además señalaba que la evaluación no solo era para sus conocimientos, sino también para las enseñanzas que impartían las unidades educativas y sus docentes. Casi no hablé nada, solo escuché su reflexión.

Estimado lector,  ¿Alguna opinión al respecto? ¿Qué visión diferente de los exámenes de ingreso, verdad? Mientras por estos días, en oferta de campaña electoral, se oye decir que se van a suprimir estas dichosas evaluaciones. (O)

ENLACE CORTO

Google Adsense

Google Adsense