Lunes, 10 Abril 2017 00:00 Columnistas

'Angie'

José Maldonado

Shuk punchami wasiman shuk hatun allku shamurka. Pastora alemán allkumi karka. Paytami Angie nishpa shutichishkarka.

Chay allkuyukkunaka shuk uchilla ukukunapimi kawsashkarka. Chaymantami kay hatun allkutaka mana chari ushashkarka. Chay llakiwan kashpami, maykankunaman allkuta apachun mañashkarka.

Ñukapa churimi hatun yachana wasita tukuchishka kipaka, kashna nirka. Tayta kanka yallimana unkuysikimi kanki, ñukaka kanta hanpinkapakmi yachakukrini nirka. Chashna nikpika, hanpik doctorchu tukukrinki nishpami tapurkani, mana, wiwa hanpik tukunkapakmi yachakukrini nirka.

Paymi ‘Angie’ shutiyuk allkutaka wasiman apamurka. Angieka shuk chishimi wasiman shamurka. Shuk hatun pukuwan, shuk runpa pukllanawanmi shamurka. Hatun allkumi karka. Piña piñami karka. Payka wasi hawa panpapimi kawsana karka.

Takshanaka hawapimi kan, chaymantami tashankapak chayashpaka paywan tuparik karkani, paywan parlak karkani, pukllak karkani. Payka chupatami kuyuchishpami imata nikpi, kutichik karka.

Shinapash misikunata uchilla allkukunataka mana rikunayachikchu karka. Wasimanmi misikuna chayak karka, chaykunatami katik karka, misikunaka chashna piña kashkata rikushpachari, ña mana rikurimurka.

Ñuka wawkimi tukuy punchakuna purinchinkapak llukshik karka. Chaypipashmi uchilla allkkukunataka mana rikunayachik karka, hapishpa chaspinkapakmi munak karka. Shinchimi shayarina karka, mana kashpaka, hatun kashkamanta aysakllami karka.

Shuk wata yalli shinami shuk uchilla allkuta kararka, chaytaka mana rikunayachikchu karka, kay uchilla allkuka Rafañón shutiyukmi kan, Llakta Pushakmi kararka, kayka golden retriever allkumi kan. Kayka wiñarkami. Shinami Rafañónka Angiewanmi pukllak karka, wakak karka.

Mikunamanta rimashpaka, Angieka imatapashmi mikuklla karka. Allkukunapa mikunata, ñukanchik mikunatapashmi mikuklla karka. Shinapash Angieka ñami paya allku karka. Kayna lunes punchami ashata ancha tukurka, mana imapash kankachu yuyakpika, miércoles punchaka mana allichu karka. Jueves punchaka yallimana anchami tukurka. Jueves ña tutayakukpimi ña rirka, ñami ñawparka.

Wasika, ashtawanka wasi hawapi panpaka  chushakmi sakirin. Shinallatak wasi punkuta paskakpi, ‘Angie’ ña mana wakankachu. Takshanawan witsikakpika, chupata kuyuchik allkuka ña mana  chaskinkachu. Kaykunata yuyarishpaka, ninantami llakinayan.

Kayta killka katikuk, ¿Kanpa kuyashka allku, mana kashpaka, misi chinkarikpika, ninantami llakinayan, nachu? Rolling Stonespa ‘Angie’ shutiyuk takipi “¿Angie, maymantak kaymanta rinchik?” nishkawanmi ¡Kayaminchakaman! nini. (O)

Resumen traducido al castellano

‘Angie’

¿Quién es ‘Angie’? Es una perrita pastor alemán, digo que es, aunque realmente fue. El jueves en la noche partió, se adelantó. Un buen día, mi hijo, aquel que cuando terminó el colegio dijo: “Papi, yo sé que tú eres muy enfermizo, yo voy a estudiar en la universidad para curarte”, yo feliz le pregunté: “¿Vas a estudiar medicina?”, mas él me contestó: “No papi, voy a estudiar veterinaria”. Él me pidió que tengamos a una perrita que no tenía dónde vivir. Hice consenso y todos estaban de acuerdo en recibirla.

Así, una tarde llegó ‘Angie’. No era una perrita, era de gran tamaño. Vino con un plato grande y una pelota. Preparé su casita en la terraza, pero mis hijos hicieron que durmiera en una habitación que allí había. Cada vez que subía a lavar la ropa me encontraba con ella, conversaba con ella, siempre alegre, siempre juguetona, nunca me reprimía. ¡Cuánta lealtad y fidelidad!

Algo que no le gustaba eran los gatos y perros pequeños, tal es así que cuando llegó el ‘Rafañón’, un perro golden retriever, regalo de la primera autoridad del país, muy pequeñito, tuvimos que estar muy atentos para que no le sucediera lo peor. ‘Rafañón’ creció y fue compañero de juegos y ladridos de ‘Angie’. Cuando estaban juntos metían bulla que daba miedo.

‘Angie’ estuvo como seis años junto a nosotros, pero la semana anterior decayó y el jueves partió, se adelantó. Gran dolor nos causó. Cuánto la extrañamos. Ahora solo nos queda el Rafañón.

Estimado lector, cuánto dolor causa la partida de una mascota, ¿verdad? Con la canción de los Rolling Stones titulada ‘Angie’ y tomando una frase de la misma te decimos: “Angie, ¿a dónde vamos desde aquí?”. Adiós, ¡hasta siempre! (O)

Etiquetas:

ENLACE CORTO

Google Adsense

Google Adsense